गर्दी

आता गर्दी श्रोत्यांची तशि सदैव गर्दी वक्त्यांचीही
आता जंत्री घेत्यांची तशि अफाट संख्या दात्यांचीही!

ऐकण्यास हो तोबा गर्दी हे तो सारे जाणुन होतो
आता दिसते व्यासपिठावर तुंबळ गर्दी गात्यांचीही!

मशागतीचा स्वभाव नाही, ना साधन ना उपासनाही
आता होते गर्दित फरफट छोट्यान्संगे मोठ्यांचीही!

पीठ संपते, संपति दाणे, बागायत हो कोरडवाहू
फुकाच बडबड?....का मग केवळ घरघर पोकळ जात्यांची ही?

गुणग्राहकता नुरली आता...ज्याचा त्याचा नेता त्राता
खरेच शाही लोकांची का मदांध सत्ता कोत्यांची ही?

गुणवन्तांची छाटू डोकी, बरोबरी करण्या उंचीची
त्यायोगे मग चालवु "पंडित" परंपरा जगजेत्यांचीही!

- निलेश पंडित
३० मे २०१२