शब्दार्थांचे अनेक फसवे वर डोलारे
निष्फळ स्वप्नांचे अगणित त्यांतच कंगोरे
... आत दडविते सत्य नेहमी खोल खोलवर
सत्यस्थितीवर दृश्य स्थितीचे वेष्टन न्यारे
हिंदू, मुस्लिम, बौद्ध व ख्रिश्चन ... आणि इतरही
भूक, जीव, उत्पत्ती तशीच ... आणि अस्तही
... आभासाखाली दडणारी दशा विदारक
त्यात अहिंसा असे ... म्हणे ... दिसते हिंसाही
मूढ जिवांना भूल पडतसे सत्यांशाची
नवीनवी लाभताच वस्त्रे वर संज्ञांची
... विकासपत्रे, हरिजन, भूषण आणि अस्मिता
जमीन माता, तसा देशही ... कथा युगांची
पंगू जग वापरते कुबडी अशा कथांची
अशीच आम्हा दिली उपाधी दिव्यांगांची
- निलेश पंडित
२० नोव्हेंबर २०२२
कोणत्याही टिप्पण्‍या नाहीत:
टिप्पणी पोस्ट करा