पु. लं. ...
श्रीमंतीची...समृद्धीची
बदललीत व्याख्या
दिपवलीत ...वाढवलीत ...
रसिकांची संख्या
शिकवलंत...
साठवावी कशी
कानी सुरांची श्रीमंती
अपूर्वाईने प्रवासातही
करावी मनांची भ्रमंती
"अति सर्वत्र वर्जयेत"
याची ठेवावी जाणीव कशी
अतिरेकी भपका टाळावा
टाळावी उणीव जशी
उकलावं सौंदर्य
कसं साध्या साध्या क्षणांत
वैचारिक आरोग्य कसं
रुजवीत जावं अंतर्मनात
तेजःपुंज माणसांचे
आवडीने गावेत गुण
व्यक्ती वल्ली गणगोताचे
कृतज्ञतेने मानीत ऋण
कोणालाही न दुखवता
दंभाची उडवावी खिल्ली
याच स्वच्छ गुणसत्वांनी
रसिकता महाराष्ट्री खुलली
काव्य सुरांवर, सर्व कलांवर
मनापासून प्रेम केलंत
स्वतःवरही केलेत विनोद
सामान्यत्वी खुलत खुलत
पु. लं....तुम्ही गेलात आणि
सौंदर्य यात्रा जरा थिजली
आवडीने गुण गाता तुमचे
...पापणी अश्रूंनी भिजली...
- निलेश पंडित
२८ जुलै २०११
कोणत्याही टिप्पण्या नाहीत:
टिप्पणी पोस्ट करा