करुणाकरा
तुझी निराळीच त-हा, ...रे...अगा करुणाकरा
तूच रचिलेल्या जगी, मुग्ध तरि मी बावरा
...रे..अगा करुणाकरा !
दिन दलितांचा तुला, म्हणति सारे व्यर्थ रे
मालकांच्या हवाली, दिससि ज्या त्या मंदिरा
...रे..अगा करुणाकरा !
तर्क प्रचितीच्या झळा, नेमका अन् दाखला,
भार हे आम्हांवरी, तुज न हे विश्वंभरा
...रे..अगा करुणाकरा !
व्यर्थ हाका मारुनी, घाम सारा गाळुनी
देव त्यासच मानुनी, परततो माझ्या घरा
...रे..अगा करुणाकरा !
- निलेश पंडित
५ जुन २०१२
कोणत्याही टिप्पण्या नाहीत:
टिप्पणी पोस्ट करा