प्रकाश

विज्ञानाच्या अथांगतेची
विस्तृत कक्षा माहित होती
त्यानंतरच्या अज्ञानाच्या
धूसरतेची जाणहि होती

तर्कशास्त्र अन् संतत प्रचिती...
सत्य, निरीक्षण अन् अनुभूती -
- या तत्वांशी अखंड बांधिल
आयुष्याची पद्धत होती

तरी हि होती हुरहुर काही
आंत वादळे स्वास्थ्य वरवर
टोले मारित छळीत होते
क्षणोक्षणींचे अनुभव खडतर

मनोमनी ना पटून सुद्धा
उपासनेची होय प्रेरणा
काळोखाचे राज्य संपले
दार उघडले प्रकाश किरणां

- निलेश पंडित
१० जानेवारी २०११