आज माझ्या वेदनेला रंगण्याचा योग आला
बायको नसता घरी हे सांगण्याचा योग आला !
काय सांगू लपविण्याची वेदना असते कशी ते?
चोरुनी थोडी पिताना...लाटण्याचा योग आला !
सांडली स्वैपाक करता कणिक मी थोडीच जेव्हा
अखिल वास्तू वाकुनी मी झाडण्याचा योग आला !
"जा जरा माहेरवासा...", मी हिला थोडे विनवता
"उकिरडा होतो घराचा...", ऐकण्याचा योग आला !
यौवना शेजारची येऊन मजला "हाय" म्हणता
बायकोची दिव्य दृष्टी झेलण्याचा योग आला !
एकटे पाहून सारे...जागते आशा मनी ही
आज थोडी एकमेकां पाजण्याचा योग आला !
- निलेश पंडित
२४ ऑक्टोबर २०१२
काय सांगू लपविण्याची वेदना असते कशी ते?
चोरुनी थोडी पिताना...लाटण्याचा योग आला !
सांडली स्वैपाक करता कणिक मी थोडीच जेव्हा
अखिल वास्तू वाकुनी मी झाडण्याचा योग आला !
"जा जरा माहेरवासा...", मी हिला थोडे विनवता
"उकिरडा होतो घराचा...", ऐकण्याचा योग आला !
यौवना शेजारची येऊन मजला "हाय" म्हणता
बायकोची दिव्य दृष्टी झेलण्याचा योग आला !
एकटे पाहून सारे...जागते आशा मनी ही
आज थोडी एकमेकां पाजण्याचा योग आला !
- निलेश पंडित
२४ ऑक्टोबर २०१२
कोणत्याही टिप्पण्या नाहीत:
टिप्पणी पोस्ट करा