निर्विघ्न उत्सवांचा येथे सुकाळ आहे
शिल्पांमधून सा-या देवच गहाळ आहे
मौनात राहण्याच्या जे मारती बढाया
त्यांच्याच किर्तनांचे येथे गु-हाळ आहे
राजा कशास म्हणता? शोभे "बळी"च आम्हां
लाखांत कर्ज आणिक ओसाड माळ आहे
निष्पाप मारले लिहिल्या कथा नि काव्ये
एकेक वाक्य ऐका - फारच रसाळ आहे
कौरव नि पांडवांची कवने म्हणू सुखाने
हा सद्य देश अपुला त्यांचेच बाळ आहे
- निलेश पंडित
१ फेब्रुवारी २०१३
कोणत्याही टिप्पण्या नाहीत:
टिप्पणी पोस्ट करा