समाज

गर्व परंतू विवेक नाही..विचार नाही
समाज येथे बघेल पण बोलणार नाही

रक्त सांडते पाण्याच्या मोलाने येथे
रक्त शोषकां विरुद्ध पण तापणार नाही

पुराणकाळातील यशांचा वाचे पाढा
वर्तमान पण सूज्ञ पणे मापणार नाही

जेथे तेथे गहाण टाकुन टेके डोके
बदली त्याच्या काय मिळे मोजणार नाही

करीत जातो घोष यशाचा...स्वातंत्र्याचा
अंधपणाचे पाश कधी तोडणार नाही

परमेशाच्या अवतारांचे ऐके कीर्तन
राक्षस वाढीची सत्ये मानणार नाही

- निलेश पंडित
६ मार्च २०१३