(वृत्त - कालगंगा)
पाहिली डोळ्यांत सारे वाचणारी माणसे
आणि डोळ्यांतूनही ना सांगणारी माणसे
भेटली झेपावणारी एकटी शिखराकडे
आणि काही सोबतीने चालणारी माणसे
भाग्य माझे लाभली जी प्रेम सारे बोलली
मात्र मौनातूनही रागावणारी माणसे
राहिली माझ्यासवे क्षण फक्त थोडे मोजके
अंतरी पण जन्म सारा दाटणारी माणसे
कैद मी स्वप्नात असता मारण्या मज धावली
ती निघाली नित्य माझी वाटणारी माणसे
- निलेश पंडित
१९ सप्टेंबर २०१३
पाहिली डोळ्यांत सारे वाचणारी माणसे
आणि डोळ्यांतूनही ना सांगणारी माणसे
भेटली झेपावणारी एकटी शिखराकडे
आणि काही सोबतीने चालणारी माणसे
भाग्य माझे लाभली जी प्रेम सारे बोलली
मात्र मौनातूनही रागावणारी माणसे
राहिली माझ्यासवे क्षण फक्त थोडे मोजके
अंतरी पण जन्म सारा दाटणारी माणसे
कैद मी स्वप्नात असता मारण्या मज धावली
ती निघाली नित्य माझी वाटणारी माणसे
- निलेश पंडित
१९ सप्टेंबर २०१३
___/\___
उत्तर द्याहटवाThanks a lot Sir!! :-)
हटवा