औषध

कळ मुळातूनच नाहीशी करणारा
मलमाहून मुलायम स्पर्श
प्रकृतीची हेळसांड करणाऱ्या
बेफिकीरीवर आळा घालणारा
काढ्याहून कडवट स्वर
जखमेवर पट्टीची
गरजच न वाटावी
अशी फुंकर

हे सगळंच नाहीसं होऊन
जेव्हा उरली
न संपणारी
फक्त बधीर करून
जिवंत सोडणारी
चिरवेदना
तेव्हापासून मी शोधतोय
औषध
अशा सर्व औषधांवर
जी ठेवतात
मला सशक्त … सुदृढ
आणि
येऊ देत नाहीत माझ्यापर्यंत
माझ्या अंतिम जिव्हाळ्याच्या मित्राची चाहूल
औषधालासुद्धा


- निलेश पंडित
१९ जुलै २०१४