निशाणी

चला गाउया एकविसाव्या शतकाची गाणी
खरी नि खोटी वाजवून पाहू सारी नाणी ।। धृ ।।

विज्ञानाची कास धरूया
तर्काचा अवलंब करूया
अनुमानाची जाण ठेवुया
वैज्ञानिकतेची यशदायी स्मरुया नित्य कहाणी ।। १ ।।
…. चला गाउया …

पहा आपुल्या अवतीभवती
परिश्रमांची अमाप महती
संतत उज्ज्वल अमोल प्रगती
जिच्यात दिसते क्षणोक्षणी विज्ञानाचीच निशाणी ।। २ ।।

अज्ञाता अज्ञात म्हणावे
शरण कुणा त्यास्तव ना जावे
फसवणुकींचे बळी न व्हावे
नष्ट करुया हरेक अंधश्रद्धा जुनी पुराणी ।। ३ ।।


- निलेश पंडित
२८ सप्टेंबर २०१४