शायरी

वाटले होते विचारातून स्फुरते शायरी
आज कळते फक्त जखमेतून झरते शायरी

पाहिजे आहे कुणाला मद्य इष्काची सजा
काय सांगू मात्र त्यातूनच बहरते शायरी

नीट आठवते तुझ्या प्रत्येक डंखाची त-हा
कोवळे सारे जुने क्षण का विसरते शायरी

जहर मी बिनधास्त प्यावे धुंद नजरेचे तुझ्या
नेमका त्यावर उतारा रोज ठरते शायरी

गझल मी लिहिण्यास बसता त्या क्षणी येतेस तू
ह्या अशा खेळात मग सपशेल हरते शायरी

- निलेश पंडित