शाप की वरदान होते
हे कळेना नेमके ।।ध्रु ।।
दोन वेडे एक गाणे
उष्ण भेटींचे तराणे
लाभल्याविण का विरावे
आपले क्षण मोजके ...
... लाभले पण थोडके ...
लाभले ते ...
शाप की वरदान होते ... हे कळेना ...
हे कळेना नेमके ...
आठवांचा छंद माझा
सोडवेना सोडवेना
वेदनांचा दाह आता
सोसवेना सोसवेना
अल्प आयुष्यात माझ्या
अल्प जे सुख लाभले
त्या सुखाचे ...
त्या स्मृतींचे ...
दुःख आता पोरके
लाभलेले दुःख माझे
शाप की वरदान होते
ते कळेना नेमके
ते कळेना नेमके ...
- निलेश पंडित
१० सप्टेंबर २०१६
कोणत्याही टिप्पण्या नाहीत:
टिप्पणी पोस्ट करा