प्रतिबिंब जणू हुबेहूब
हूरहूर, अस्वस्थता
अश्रू, थरथरते ओठ
आंतरिक संवेदना
उष्णता
विचारांची गर्दी
घुसमटलेली स्वप्नं
शब्दांच्या राशी
अस्ताव्यस्त
एखादी मधुर लकेर
काही दबलेले सूर
काही चुकलेलेही
रंग गंध
सजलेले थिजलेले विझलेले
मुरलेले विरलेले
विखुरलेले
अथांगता अगम्यता
अशांतता
नेमकं तेच सारं
तुझ्यातही ... माझ्यातही
दिसतं लख्ख
आरशात दिसावं तसं
फक्त तेव्हाच
जेव्हा असतं आपल्यात
माफक पण अटळ
अंतर
- निलेश पंडित
२९ जुलै २०१७
कोणत्याही टिप्पण्या नाहीत:
टिप्पणी पोस्ट करा