डाव्या उजव्याचे । अद्भुत मिश्रण
प्रजेस वेसण । गोंधळाची
आदिमानवाचा । पाशवी स्वभाव
घेतसे उठाव । निसर्गत:
विरुद्ध दिशेला । नाविन्याची उषा
प्रगतीची आशा । आकर्षक
एकीकडे लोभ । दुजीकडे भीती
त्यात गुंग मती । नकळत
बदलाची आस । नेई ज्या टोकास
औचित्याचा भास । होई तेथे
दिस मास वर्षे । उलटते तप
कळे आपोआप । फोल सारे
मग अगतिक । जोडतात हात
पुजिती अज्ञात । काहीतरी
जगता लढता । पडतात सैल
ठरतात बैल । उपयुक्त
माणसे ही अशी । येताच शरण
घालती वेसण । त्यांस कोणी
युगानुयुगांचा । प्रवास हा खास
संपतो न फास । गुलामीचा
काही महाभाग । मात्र ह्या स्थितीत
अंती तोडतात । फास त्यांचे
घडविती हेच । एक नवे जग
करुनी प्रयोग । अगणित
जसे हे वेगळे । तसाच वेगळा
विचार आगळा । अंतर्यामी
थारा त्यास द्यावा । जपावा पोसावा
आत वाढू द्यावा । खोल खोल
बीज रुजू देता । जमिनीत नवे
डावे वा उजवे । नुरे काही
- निलेश पंडित
३० मार्च २०१८
प्रजेस वेसण । गोंधळाची
आदिमानवाचा । पाशवी स्वभाव
घेतसे उठाव । निसर्गत:
विरुद्ध दिशेला । नाविन्याची उषा
प्रगतीची आशा । आकर्षक
एकीकडे लोभ । दुजीकडे भीती
त्यात गुंग मती । नकळत
बदलाची आस । नेई ज्या टोकास
औचित्याचा भास । होई तेथे
दिस मास वर्षे । उलटते तप
कळे आपोआप । फोल सारे
मग अगतिक । जोडतात हात
पुजिती अज्ञात । काहीतरी
जगता लढता । पडतात सैल
ठरतात बैल । उपयुक्त
माणसे ही अशी । येताच शरण
घालती वेसण । त्यांस कोणी
युगानुयुगांचा । प्रवास हा खास
संपतो न फास । गुलामीचा
काही महाभाग । मात्र ह्या स्थितीत
अंती तोडतात । फास त्यांचे
घडविती हेच । एक नवे जग
करुनी प्रयोग । अगणित
जसे हे वेगळे । तसाच वेगळा
विचार आगळा । अंतर्यामी
थारा त्यास द्यावा । जपावा पोसावा
आत वाढू द्यावा । खोल खोल
बीज रुजू देता । जमिनीत नवे
डावे वा उजवे । नुरे काही
- निलेश पंडित
३० मार्च २०१८
कोणत्याही टिप्पण्या नाहीत:
टिप्पणी पोस्ट करा