भ्रमर शोधतो | जसा मकरंद
तसा मी आनंद | शोधू पाहे
प्रखर प्रकाशी | दृश्यही दाहक
तसाच बाधक | क्षण क्षण
क्षण जरी शुद्ध | लिप्त मी होताच
अकस्मात तोच | भ्रष्ट होई
ओतप्रोत दिसे | आनंद तयात
भरून वहात | वरवर
गुंतता मी मात्र | हाती पायी गुंता
भय क्रोध चिंता | वेध घेती
करतो श्रवण | अलिप्ततेची मी
महती नेहमी | जागोजागी
मात्र ती नेमकी | व्हावी कशी प्राप्त
ह्याचे ज्ञान सुप्त | प्रत्येकाचे
ना मी भ्रमर वा | जिणे मकरंद
शोधता आनंद | मिळेच ना
लिप्तता टाळावी | परिणामापाशी
तशीच उद्देशी | टाळावीच
उपमा प्रतिमा | मर्यादित क्षेत्र
त्यातही विचित्र | अपवाद
थांबविता व्यर्थ | मुळात हा शोध
अवचित बोध | प्राप्त होई
- निलेश पंडित
११ जुलै २०१८
तसा मी आनंद | शोधू पाहे
प्रखर प्रकाशी | दृश्यही दाहक
तसाच बाधक | क्षण क्षण
क्षण जरी शुद्ध | लिप्त मी होताच
अकस्मात तोच | भ्रष्ट होई
ओतप्रोत दिसे | आनंद तयात
भरून वहात | वरवर
गुंतता मी मात्र | हाती पायी गुंता
भय क्रोध चिंता | वेध घेती
करतो श्रवण | अलिप्ततेची मी
महती नेहमी | जागोजागी
मात्र ती नेमकी | व्हावी कशी प्राप्त
ह्याचे ज्ञान सुप्त | प्रत्येकाचे
ना मी भ्रमर वा | जिणे मकरंद
शोधता आनंद | मिळेच ना
लिप्तता टाळावी | परिणामापाशी
तशीच उद्देशी | टाळावीच
उपमा प्रतिमा | मर्यादित क्षेत्र
त्यातही विचित्र | अपवाद
थांबविता व्यर्थ | मुळात हा शोध
अवचित बोध | प्राप्त होई
- निलेश पंडित
११ जुलै २०१८
कोणत्याही टिप्पण्या नाहीत:
टिप्पणी पोस्ट करा