खोल मनाच्या गूढ तळाशी
पुन्हा पुन्हा विहरतो जसा मी
माझ्या अस्तित्वावर तुमची
छाप मला आढळे नेहमी
नाती आकलना पलिकडली
सहजसाध्य आम्हाला झाली
वहिवाटीची जीवनशैली
अकल्पिताचे पीयुष प्याली
अवचित झाल्या मनामनांच्या
अदृश्याच्या रेशिमगाठी
संज्ञांविण नात्यांनी केली
जन्मभराची जपणुक मोठी
गूढ त्यातही विशेष माझे
नाते माझ्याशी जडलेले
चार शब्द वाचताच तुमचे
निमूट अलगद उलगडलेले
उलगडुनीही असीम व्याप्ती
जाणवली … जाणवीत गेली
ओळख माझी माझ्याशी मग
अपूर्णतेनेही मोहरली
जन्मावे कांचन मातीतुन
अग्नीने वर त्या उजळावे
कविता फुलली तशीच तुमची
जिच्यात अवघे विश्व फुलावे
कुसुमाग्रज कवितेने तुमच्या
दिधली आम्हा जीवनदृष्टी
मिती लाभुनी किती अकल्पित
दिव्य जाहली पार्थिव सृष्टी
निःशब्दाचीही गुरुकिल्ली
शब्दांतुन अल्पशा गवसली
मूलतत्व जगण्याचे होउन
कविता तुमची हृदयी वसली
- निलेश पंडित
२० जुलै २०१४
पुन्हा पुन्हा विहरतो जसा मी
माझ्या अस्तित्वावर तुमची
छाप मला आढळे नेहमी
नाती आकलना पलिकडली
सहजसाध्य आम्हाला झाली
वहिवाटीची जीवनशैली
अकल्पिताचे पीयुष प्याली
अवचित झाल्या मनामनांच्या
अदृश्याच्या रेशिमगाठी
संज्ञांविण नात्यांनी केली
जन्मभराची जपणुक मोठी
गूढ त्यातही विशेष माझे
नाते माझ्याशी जडलेले
चार शब्द वाचताच तुमचे
निमूट अलगद उलगडलेले
उलगडुनीही असीम व्याप्ती
जाणवली … जाणवीत गेली
ओळख माझी माझ्याशी मग
अपूर्णतेनेही मोहरली
जन्मावे कांचन मातीतुन
अग्नीने वर त्या उजळावे
कविता फुलली तशीच तुमची
जिच्यात अवघे विश्व फुलावे
कुसुमाग्रज कवितेने तुमच्या
दिधली आम्हा जीवनदृष्टी
मिती लाभुनी किती अकल्पित
दिव्य जाहली पार्थिव सृष्टी
निःशब्दाचीही गुरुकिल्ली
शब्दांतुन अल्पशा गवसली
मूलतत्व जगण्याचे होउन
कविता तुमची हृदयी वसली
- निलेश पंडित
२० जुलै २०१४
