ते जुने सगळेच आता माग जाता जाता
लावली आहेस वेडे आग जाता जाता
हासते अन् लाजते का हे मला समजेना
व्यक्त करताना तिचा ती राग जाता जाता
माळते ती फूल साधे मी दिलेले जेव्हा
फुलवते स्वप्नात माझ्या बाग जाता जाता
ही नव्हे तक्रार जाते देउनी चटका ती
ठेवते ती अटळ मोठा डाग जाता जाता
का पुढे गेलीस दृष्टी क्षीण झाली माझी
मी कसा काढू ठशांचा माग जाता जाता
रात्र येते मग जरा रेंगाळते अन् जाते
फक्त ह्याचा राग ... देते जाग जाता जाता
- निलेश पंडित
४ एप्रिल २०१५
लावली आहेस वेडे आग जाता जाता
हासते अन् लाजते का हे मला समजेना
व्यक्त करताना तिचा ती राग जाता जाता
माळते ती फूल साधे मी दिलेले जेव्हा
फुलवते स्वप्नात माझ्या बाग जाता जाता
ही नव्हे तक्रार जाते देउनी चटका ती
ठेवते ती अटळ मोठा डाग जाता जाता
का पुढे गेलीस दृष्टी क्षीण झाली माझी
मी कसा काढू ठशांचा माग जाता जाता
रात्र येते मग जरा रेंगाळते अन् जाते
फक्त ह्याचा राग ... देते जाग जाता जाता
- निलेश पंडित
४ एप्रिल २०१५
कोणत्याही टिप्पण्या नाहीत:
टिप्पणी पोस्ट करा