एक कुठलीशी कोण
थंडी वाऱ्यांत ढगांत
वाट चाले अज्ञाताची
नजर दिगंतरात
चेहरामोहरा तिचा
कशाला तो … नाममात्र
सप्तरंगांची करते
पखरण अहोरात्र
वर्षाव ती स्वीकारून
कशाचाही माथ्यावर
तांनापिहिनिपाजाने
विश्व घडवी सुंदर
कृष्णवस्त्र त्यातही ती
ठेवते आपणापाशी
पृथ्वीवर वावरते
गूज मात्र आकाशाशी
साधेपणात निर्मिते
अनंत जी नवलाई
असणार दुजी कोण
कुणाचीतरी ती आई
- निलेश पंडित
६ फेब्रुवारी २०१६
कोणत्याही टिप्पण्या नाहीत:
टिप्पणी पोस्ट करा