औषध

वृत्त: मनमोहिनी

विचारात एखाद्या मिळावे असे काही
जिथे शब्द संपावे नुरावी नि भाषाही
... तरी चक्र चालावे रसांचे व भावांचे
कवीची अहंता ना उरो औषधालाही

खुल्या स्वच्छ श्वासाने नभाचा वसा घ्यावा
निळाईत विश्वाच्या उभा देह दाटावा
... सुरांच्या मुळाशी जी असे शुद्ध ती शांती
शरीरात साचावी ... नवा जन्म भासावा

कवी मी असा राही प्रयासात मायावी
उरी घेउनी स्वप्ने कधी जी न संपावी
.... जरी जागतो येथे अनंती असे डेरा
जणू सुज्ञ कोणाही समाधीच वाटावी

जरा थांबता गाडी ... भिकारी कुणी येतो
अहंता टळेना ती मला नेमकी देतो


- निलेश पंडित
३० नोव्हेंबर २०१६