तू शिकवलंस
मीही शिकलो
नकळत सारं
जन्मभरासाठी
जगण्याचं जपण्याचं
कौशल्य
पण दिलंस एक शल्य
काल भेटून जाता जाता
शमवताना
सहन करावी
मुकी वेदना मूकपणानं
जशी दिलीस तू
शांतपणे
अशा वेळी
जेव्हा तुझ्या तोंडून
कधीच न आलेल्या
शब्दांची मी वाट
चातकासारखी पाहिली
व्यर्थच
.... आणि माझी वेदना
शमून लोटलेल्या तपानंतर
भेटून जाताना
कडा तुझ्या डोळ्यांच्या
पाहिल्या झालेल्या ओलसर
तेव्हा कळलं
वेदना
शमवताच नव्हे
येते जपताही
- निलेश पंडित
१७ डिसेंबर २०१५
मुक्तपणे ओघळलेल्या आसवासारखी सुंदर कविता ..
उत्तर द्याहटवामनापासून आभार भारतीताई ...
हटवामनापासून आभार भारतीताई ...
हटवा