कवचांवर कवचे अशी योजना ज्याची
पाठीस पाठ लावून सज्ज योद्ध्यांची
... तो चक्रव्यूह भेदणे न जमते विकलां
एकेकच जागा प्रवेशास टोकांची
विस्तार अकल्पित कैक योजने ह्याचा
वर्तुळाकृती अन् भरीव आकाराचा
... भीतीदायक, घनदाट, गूढ, विस्तीर्ण
बाह्यांगी लागे ठावही न केंद्राचा
रचती हा व्यूह असा जे व्यूहासम ते
चतुराई, शौर्य व शक्ती ठायी वसते
... अद्वितीय अनुभव दीर्घ त्यांस जोडीला
आचार्य प्रमुख ते ... त्यांना बंधन नसते
व्यूहांची ह्या दुनियेत आजही चलती
दुर्भाग्य ... त्यात सुकुमारच अजून मरती
- निलेश पंडित
२३ जुलै २०२१
कोणत्याही टिप्पण्या नाहीत:
टिप्पणी पोस्ट करा