इरादा मी इथे घेऊन आलो फक्त वसतीचा
कधी झाला सुरू कळलेच नाही मार्ग परतीचा
कधीही अन् कुठेही पाहिजे स्पर्धा इथे आता
कुणाचे पाय खाली खेचणे हा मार्ग बढतीचा
असावी वाढली येथे गरीबी आणि बेकारी
पुन्हा फतवा इथे आहे निघाला सैन्यभरतीचा
मने काबीज पूर्वापार केली सर्व नेत्यांनी
विसर पडला प्रजेला मात्र अतिसामान्य कुवतीचा
सदोदित लाभले परके व नंतर आपले सारे
कधी संपेल का हा शोषणाचा खेळ नियतीचा!
- निलेश पंडित
७ फेब्रुवारी २०२२
कोणत्याही टिप्पण्‍या नाहीत:
टिप्पणी पोस्ट करा